سریزه: څرنگه چى افغانستان د وروسته پاتې هيـوادونو له جملي څخه دى او طبيعي خبره ده چى په وروسته پاتې هيـوادونو کى د توليد عوامل په کافي مقدارسره نه وي موجود. د توليد عوملو د جملي څخه يو عمده او مهم عامل پانګه ده ‌ چى بې غير د پانګې څخه مونږ نه شو کولۍ چى د توليد پروسه پر مخ  بوځو. څرنگه چى تاسي ته معلومه ده افغانستان په تيرو دريو لسيزو کى د بدبختيو او جنگونو شاهددي چى پدي تيرو دريو لسيزو کى دبدو امنيتي حالا تو له امله افغانستان څخه پانګه خارج ته انتقال شويده. اوس مهال چى افغانستان له يوي خوانه د پرمختگ په لورې روان  دي خو د بل خوانه د پانګې د قلت سره مخامخ دى. افغانستان چى زيات او مختلف معادنونه لري او تر اوسه پوري ترينه استفاده هم نه ده شوى نو په پراخه کچه پانګې اچونې ته ضرورت لرى چى د هيـواد کورنۍ پانګه د اقتصادي پرمختگ لپاره کافي نده. نو پدي اساس افغانستان د خپل اقتصادي پرمختگ لپاره باندينۍ پانګې اچونى ته اړين دى، چى تر څو د باندينۍ پانګې اچونې په مرسته د مختلفو معادنونو څخه گټه واخستلۍ شى او پدي ترتيب افغانستان وکولۍ شى چى خپل اقتصادي هدف ته ورسيږي .